الأسئلة الشائعة

EnparaliOlmak
bebasata الحسابات الكروت قرض بضمان وعاء ادخاري التحويلات خدمات دفع الفواتير / عمليات الاعتراض الشباب تحديث بياناتي الأمان Be-Token

bebasata

ايه هي bebasata ؟
البنك حاليا بيوفرلى خدمات الانترنت والموبايل البنكي، ايه اللي يخليني اغير البنك ؟
انت مش محتاج تغير بنكك عشان تكون عميلنا. كل اللي عليك أنك تفتح حساب معانا وتستمع بمميزاتنا زي ان مافيش اي مصاريف اشتراك ولا مصاريف دورية ولا عمولات ده غير ان منتجاتنا وخدماتنا البنكية الديجتال كلها مميزات اللي تقدر تخلى تجربتك البنكية اذكى وأسهل.
هل اقدر افتح حساب هنا و انا عندي حساب في QNB ALAHLI من قبل كدة و لا لازم اختار واحد بس منهم؟
لا مش لازم تختار واحد منهم انت تقدر يبقى عندك الحسابين. و ده عشان كل واحد بيقدم تجربة بنكية مختلفة عن التاني و منفصلة عنه. و كمان كل حساب هيدار بشكل منفصل عن التاني لان مميزات و شروط الخدمات و المنتجات مختلفة. 
ايه هي وسائل التواصل معانا؟
  • احنا حريصين على اننا نوفرلك وسائل تواصل كتير ومتنوعة متخصصة عشان تقدر توصلنا بكل سهولة عن طريق:

-          موقعنا الالكتروني bebasata.qnbalahli.com

-          تطبيق الموبايل

-          الانترنت البنكي

-          ماكينة السحب الألى

  • وكمان تقدر توصلنا عن طريق:

-          مركز دعم العملاء: 16607

-          لاستفسارات العملاء: customer.inquiry@bebasata.qnbalahli.com

-          لملاحظات/اراء العملاء: customer.experience@bebasata.qnbalahlı.com

-          لطلبات العملاء: authorized.email@bebasata.qnbalahlı.com وده عن طريق الايميل المسجل عندنا .

 

ايه الاختلاف بين QNB bebasata و قنوات QNB ALAHLI الرقميه (الانترنت البنكى/الموبايل ابليكشن) ؟
  • الانترنت البنكى/الموبايل ابليكشن الخاصين ب QNB ALAHLI بيسمحوا للعملاء انهم ينفذوا عمليات بنكية كتيرة بشكل الكتروني وعن بعد بدل زيارة فروع QNBALAHLI بس فيه بعض العمليات والمعاملات البنكية اللي بتشترط وجود العميل في الفرع عشان تتنفذ.
 
  • على العكس احنا صممنا خدمات bebasata الالكترونية علشان ما تضطرش تزور فروع فعلية لأننا بنتبع فكراللا فروع في كل المراحل سواء من بداية رغبتك انك تكون عميل او بعد ما تبقى عميل مرورا بالتقديم على أي منتج أو خدمة او تنفيذ كل اي معاملات بنكية. كل حاجة بتتم وانت في مكانك وبشكل الكتروني.
ايه هي QNB Bebasata وايه الجديد اللي هتقدمه لينا ؟
  • مع تحقيق هدف اننا نكون اول خدمة بنكية ديجتال في مصر نقدر نقدملك من خلالها تجربه بنكية رقمية كاملة، QNB ALAHLI بيقدملك اول خدمه بنكيه ديجتال اللي هتكون بداية عصرجديد في الخدمات المصرفية الديجيتال.
  • شعارنا اننا نقدم أحسن تجربة بنكية اللي من خلالها يقدر عملائنا انهم يستمتعوا بأذكى وابسط واريح تجربة بنكية الكترونية. حمل دلوقتي التطبيق بتاعنا و هنبقى سعداء جداً انك تكون عميلنا.
  
ازاى أكون عميل bebasata؟
هل أقدر افتح حساب شركات هنا ؟
  • حاليا، تقدر تفتح حساب شخصي بس.
انا بالفعل عميل QNB ALAHLI، اعمل ايه عشان أكون عميل هنا ؟هل لازم املئ نموذج فتح الحساب علشان أكون عميلكم؟
سواء كنت عميل او مش عميل QNB ALAHLI، لازم تملئ نموذج طلب فتح حساب في هنا علشان تكون عميلنا وتستفيد من مميزاتنا الحصرية.
ازاى أقدر أكون عميل bebasata؟ هل لازم أفتح حساب الأول في فرع QNB ALAHLI ؟
لا مش لازم.  ببساطة كل اللي عليك تعمله إن تملأ طلب انك تكون عميل من على موقعنا او على تطبيق الموبايل وبعد كده هيجيلك مكالمة مننا عشان نحدد معاك ميعاد لزيارتك (وده هيكون لمرة واحدة بس) عشان تمضي على النموذج و تستلم كارت الخصم المباشر في وقتها وبكده انت هتكون عميلنا و تقدر تستمع بمميزتنا
ايه هي الأوراق المطلوبة لفتح الحساب ؟
  • بشكل عام، انت هتحتاج:

-          بطاقة شخصية سارية او جواز سفر ساري للأجانب (للبالغين فقط)

-          فاتورة مرافق جديدة (غاز – كهرباء – مياه)

-          مستند بمصدر المال وأقامه سارية للأجانب

البنك له حق في انه يطلب مستندات تانية

هل الأجانب يقدروا يكونوا عملاء؟
الأجانب الى عندهم إقامة سارية، يقدروا يكونوا عملاء عندنا من غير أي مشكلة.
هل اقدر أسلم فلوس لحد من فريق bebasata في وقت الزيارة عشان يودعها في حسابي ؟
لا للأسف دة غير متاح، فريقنا هيساعدك بس عشان تمضي على النموذج ويعرفك على معلومات اكتر عننا. لكن انت تقدر تودع فلوسك بنفسك في ماكينات الصراف الالي QNB ALAHLI.
هو فيه اى مصاريف اشتراك او مصاريف دوريه لمنتجات او خدماتQNB bebasata؟

مفيش اى مصاريف اشتراك او مصاريف دوريه لمنتجات او خدمات QNB bebasata وعشان تعرف اكتر عن المصاريف التانية دوس هنا

الحسابات

الحساب الجاري
اقدر ارجع لحد أي تاريخ لمراجعة معاملات حساباتي؟
 تقدر تراجع معاملات حسابتك لحد سنه فاتت؛ ولو عايز ترجع لمدة اكتر من سنة، تقدر ترجع لكشف الحساب الالكتروني علشان تراجع المعاملات القديمة.
ليه الحساب الجاري متوفر بالدولار و اليورو بس ؟
ده لأننا وقت ما صممنا منتجاتنا كنا واخدين في اعتبارنا الاحتياجات والمنتجات والخدمات الأساسية اللي اكتر حاجة بتسخدمها. عشان كده وفرنا اكتر عملات اجنبية بتستخدم في مصر. بس في المستقبل، ممكن نقدم عملات اجنبية تانية على حسب احتياجاتك البنكية.
ازاى أقدر اتابع واتحكم في حساباتي ؟
تقدر تتابع وتتحكم في حساباتك من خلال الانترنت البنكي وتطبيق الموبايل عن طريق مراجعتك لحركاتك وعملياتك البنكية. ده غير أنك تقدر تراجعها من خلال كشف الحساب الالكتروني. 
ازاى أقدر أودع فلوس في الحساب الجاري؟
  • انت تقدر تعمل تحويل بنكي الكتروني من حسابتك التانية. وكمان تقدر تستخدم ماكينات الصراف الالي منQNB ALAHLI  اللي بتقبل الإيداع عشان تودع فلوسك في حسابك الجاري اللي بالجنيه المصري.
  • بما اننا بتقدم الخدمات من خلال قنوات الكترونية، فاستخدامك لفروع QNB ALAHLI هيكون في حالات استثنائية جدا زي ما هو موضح هنا:

-          لإيداع / سحب الكاش بمبالغ أكبر من حد كارت الخصم المباشر

-          لإيداع/ السحب الكاش للعملات الاجنبية

ايه هو تاريخ حق السحب النقدي المطبق؟
  • لما تودع اى مبلغ بالجنيه المصري من خلال ماكينات الصراف الالي ,تاريخ حق الإيداع النقدي بيكون تاريخ الإيداع + يوم عمل واحد
  • لما تودع اى مبلغ بالجنيه المصري من خلال اى فرع  تاريخ حق الإيداع النقدي بيكون تاريخ الإيداع + يومين عمل
  • لما تودع اى مبلغ بالعملة الاجنبيه من خلال اى فرع  تاريخ حق الإيداع النقدي بيكون تاريخ الإيداع + اربع أيام عمل
  • لما تستقبل تحويلACH في أيام العمل بيكون تاريخ حق التحويل نفس يوم التحويل.
  • لما تستقبل تحويلACH  في يوم إجازة بيكون تاريخ حق التحويل بيكون اول يوم عمل بعد الاجازة .
  • لما تستقبل تحويل داخلي في أيام العمل بيكون تاريخ حق التحويل نفس يوم التحويل.
  • لما تستقبل تحويل داخلي  في يوم إجازة بيكون تاريخ حق التحويل بيكون اول يوم عمل بعد الاجازة .
  • لما تستقبل تحويل IPN في أيام العمل بيكون تاريخ حق التحويل نفس يوم التحويل.
  • لما تستقبل تحويل IPN  في يوم إجازة بيكون تاريخ حق التحويل في حاله السحب من ماكينات الصراف الالى اول يوم عمل بعد الاجازة وفى حاله التحويل بيكون نفس يوم التحويل.
ايه هو الحد الأدنى لفتح الحساب الجاري؟
الحد الأدنى لفتح الحساب هو 1 جنيه
ازاى أقدر أطلب كشف حساب بنكي مختوم او أي مستند بنكي رسمي؟
تقدر تطلبه من خلال ارسال بريد الكتروني ل authorized.email@bebasata.qnbalahli.com من بريدك الالكتروني المعتمد المتسجل عندنا
ازاى أقدر افتح حساب جارى هنا؟
بمجرد ما بتكون عميلنا الحساب الجاري المصري بيتفتح تلقائي. لو عايز تفتح حساب تانى بالدولار او اليورو بعد ما بقيت عميلنا، انت تقدر تعمل ده ببساطة من خلال الانترنت البنكي او تطبيق الموبايل.
هو فيه كشف حساب الكتروني لحساباتي؟
اه تقدر يبقى عندك كشف حساب الكتروني منفصل لكل حساب من خلال الانترنت البنكي وتطبيق الموبايل.
ايه هو الحساب الجاري؟
ده حسابك الاساسي اللي بتتم عليه كل معاملاتك البنكية. هو حساب مش بيقدم فايدة، لكن تقدر تستمتع من خلاله بعمليات سهلة وسريعة. ده غير إنك تقدر تستخدم فلوسك في أي وقت من خلاله سواء كان في التحويلات او المدفوعات بطريقة بسيطة و ذكية.
هو في أي مصاريف فتح حساب او اى مصاريف دورية ؟
لا مفيش أي مصاريف لفتح الحساب او حتى مصاريف دورية على منتجاتنا.
هل اقدر اودع او اسحب فلوس من خلال شباك الفرع؟

علشان عملاء QNB bebasata بيفضلوا القنوات الديجتال، بالتالي يقدروا ينقذوا عمليات السحب من ماكينات الصراف الالى والايداع من خلال شبكة ماكينات الصراف الالى من QNB ALAHLI  , ولو العميل سحب من خلال شباك الفرع  اقل من الحد اليومي المسموح للسحب من كروت الخصم المباشر  هيتخصم  50 جنيه لكل عمليه سحب.

 

-وفيه حالات قليلة العميل بيحتاج يسحب او يودع فيها من الشباك مثل :

  • لو العميل محتاج يسحب او يودع عمله اجنبيه من الحساب الجارى (بيكون من غير مصاريف )
  • لو العميل محتاج يسحب او يودع مبلغ اعلى من الحد اليومى المسموح  (بيكون من غير مصاريف )
  • لو ماكينات الصراف الالى خارج الخدمه او الماكينة مش بتقبل عمليات الإيداع .
ازاى أقدر اشوف حركة معاملات حساباتي واتابعها؟
تقدر تلاقي حركة المعاملات على كشف الحساب الالكتروني او على ايصال حركة المعاملة على تطبيق الموبايل او الانترنت البنكي.
حساب التوفير
الفايدة ببتحسب على حساب التوفير في نهاية كل الشهر ولا يومياً ؟
الفايدة بتتحسب بشكل يومي على رصيد نهاية اليوم وبيتم اضافتها في الحساب شهرياً .
ايه هو حساب التوفير وايه هي مميزاته؟
ده حساب فايدته بتتحسب بشكل يومي وبتنزل في الحساب شهريا. كمان تقدر تفتح اكتر من حساب توفير وتسمى كل حساب على حسب اهدافك الادخارية.
هل أقدر استخدم حساب التوفير في عمليات الشراء والأونلاين وغيره...؟
للأسف، انت متقدرش تعمل عمليات شراء من حساب التوفير لكن تقدر تستخدم كارت الخصم المباشر اللي مربوط بالحساب الجاري بالجنية المصري عشان. وده عشان يساعدك تحوش اكتر في حساب التوفير.
ليه ما قدرش دايما انفذ كل أنواع العمليات من حساب التوفير؟
احنا لما صممنا حساب التوفير كان هدفنا إنك تحوش اكتر، عشان كده خلينا الدفع او الصرف منه أصعب شوية. لكن لو عايز تستخدم فلوسك اللي في حساب التوفير، لازم تحول فلوسك من حساب التوفير لحساب الجاري بالجنية المصري وبعدين تسحبها من ماكينة الصراف الألى. وبالطريقة دي، احنا بنخليك تفكر كويس قبل ما تصرف فلوسك اللي محوشها، وعشان كل ما تحوش اكتر كل ما الفايدة على فلوسك بتكتر من خلال الفايدة المتزايدة.
هل الفايدة مش بتزيد حتي لو حوشت فلوس اكتر؟
احنا وفرنا شرايح في حساب التوفير عشان نساعدك تحوش اكتر. وعشان كده كل ما تحوش اكتر كل ما تاخد فايدة أكبر.
هل في حد أدني لفتح حساب التوفير؟
الحد الأدنى لفتح حساب التوفير 1 جنيه؛ انت مش محتاج مبلغ كبير عشان تقدر تحوش. نيتك كفاية.
هو في أي مصاريف فتح حساب او اى مصاريف دورية ؟
  • لا مفيش أي مصاريف لفتح الحساب او حتى مصاريف دورية على منتجاتنا.
الودائع
لما تنتهي مدة الوديعة، ايه هي الاختيارات المتاحة؟
  • انت عندك 3 اختيارات:

-تضاف أصل الوديعة + الفايدة لحسابك.

-تختار أصل الوديعة يتجدد تلقائي.

-تختار أصل الوديعة + الفايدة يتجدد تلقائي.

ازاى أقدر انشأ وديعة؟
تقدر تعمل وديعة فورا ًبمجرد ما تحدد المبلغ والمدة عن طريق تطبيق موبايل او الانترنت البنكي .
هل في حد أدني عشان أقدر انشأ الوديعة؟
الحد الأدنى هو 1000 جنيه عشان تنشأ الوديعة وتقدر تزودها بأي مبلغ.
ايه هي الودايع وايه هي مميزاتها؟
الودايع هي أفضل اختيار لخطة التوفير في مدة زمنية قصيرة بالجنيه المصري بسعر مميز جدا. تقدر تنشأ وديعة وتاخد فايدة تنافسية في نهاية مدة الوديعة. وعشان تستفيد بالفايدة لازم تفضل محافظ على الوديعة لتاريخ استحقاقها؛ كمان تقدر تسمى الودايع بناءا على اهدافك للتوفير. و بنقدملك مدد مختلفة من الودايع 6،3،1 شهور بسعر عائد ثابت. ده غير انك ممكن تجديد الوديعة اوتوماتيكيا.
هل أقدر انشأ اكتر من وديعة ؟
اه تقدر تعمل اكتر من وديعة وتسميها على حسب اهدافك للتوفير.
هل أقدر اكسر الوديعة في أي وقت؟
الكسر متاح في أي وقت ولكن الكسر الجزئي مش متوفر وإذا كسرت الوديعة قبل ما تنتهي مدتها، الفايدة اللي هتاخدها هتكون صفر.
شهادات الادخار
ايه هي شهادات الادخار وايه هي مميزاتها؟
انت تقدر تستثمر وتزود فلوسك مع شهادات الادخار عندنا وتأمن مستقبلك عن طريق مصدر دخل ثابت بشكل منتظم؛ وده متاح بالجنيه المصري فقط. كمان تقدر تاخد قرض بضمان شهاداتك في أي وقت. و تقدر تزود فلوسك عن طريق تحويل فايدة الشهادات لحساب التوفير.
ايه اللي ممكن يحصل لو حبيت اكسر شهادة الادخار، هل أقدر اكسرها في أي وقت؟
انت تقدر تكسر شهادة الادخار في أي وقت بعد 6 شهور من تاريخ اصدار الشهادة وكمان متوفر كسر جزئي للشهادة. الكسر هيكون بناء على الجدول الكسر المحدد و المعلن من البنك.
ازاى أقدر اصدر شهادة وايه المدد المتاحة؟
  • انت تقدر تصدر شهادة فوراً بمجرد ما تحدد المبلغ اللي انت عايزه عن طريق تطبيق موبايل او الانترنت البنكي المدة المتاحة هي 3 سنين وتقدر تختار بين مدد صرف الفايدة: كل شهراو كل 3 شهور او كل 6 شهور او كل 12 شهر.
هل أقدر اكسر الشهادة عشان اسدد القرض او كارت الائتمان؟
  • اه ممكن طبعاً. تقدر تبعت طلب كسر الشهادة، لتسدد القرض او الكارت الائتماني عن طريق
authorized.email@bebasata.qnbalahli.com
هل أقدر اكسر شهادتي لو انا واخد أي تسهيل ائتماني بضمانها؟
لازم تسدد القرض الأول وبعدين تكسر الشهادة.
هل في حد أدني عشان انشأ شهادة ادخار ؟
الحد الأدنى لانشاء الشهادة هو 1000 جنيه وممكن تزود المبلغ بمضاعفتها و مفيش حد أقصى لعدد الشهادات اللي تقدر تنشأها.
قفل الحساب
ازاى أقدر اقفل حساب من حساباتى؟
تقدر تقدم طلب قفل الحساب عن طريق الإنترنت البنكي او تطبيق الموبايل.
طب ازاي أقدر اقفل حساب التوفير الخاص بيا؟
هيتم تحويل الرصيد المتاح في حساب التوفير تلقائيا للحساب الجاري بالجنيه المصري بمجرد ما تطلب ان الحساب يتقفل.
هل أقدر اقفل حسابي الجاري بالجنيه المصري والعملات الاجنبية؟
  • لا ماتقدرش تقفل الحساب الجاري بالجنية المصري لان ده حسابك الرئيسي بس ممكن تكلمنا على 16607 او تبعتلنا على
authorized.email@bebasata.qnbalahli.com
    • اما بالنسبة للعملات الأجنبية، اه تقدر اكيد؛ وإذا كان لسه فيه رصيد موجود في حسابك اللي بالعملة الأجنبية هيظهرلك رسالة تنبيهيه بنطلب منك سحب او تحويل المبالغ علشان نقدر ننفذ طلب القفل؛ ومجرد ما يتم تحويل/او سحب للمبلغ، هتقدر تقدم طلب لقفل الحساب تانى يوم عمل.
    لو قفلت حساب التوفير قبل اخر الشهر، هل هاخد الفائدة المستحقة؟
    اه، هتقدر تأخذها طبعا، وهيتم إيداع مبلغ الفايدة لحسابك الجاري بالجنيه المصري.

    الكروت

    كروت الخصم المباشر
    ايه هو كارت الخصم المباشر وايه مميزاته؟
    كارت الخصم المباشر ده كارت فيه ميزة الاستخدام عن بعد وهو خاص بالحساب الجاري بالجنيه المصري و بيوفرلك مجموعة من الامتيازات، مع إمكانية دفع مشترياتك محليا ودوليا؛ سواء عشان تعمل مشتريات، تحجز فندق، تدفع فواتير من غير ما تحتاج تشيل كاش.
    ازاى هيتم تجديد الكارت؟
    هيتم تجديد الكارت تلقائيا عند انتهاء تاريخ صلاحيته
    اعمل ايه لو الكارت اتسرق او ضاع مني؟
    لازم توقف تفعيل كارتك فورا من تطبيق الموبايل/ الانترنت البنكي او كلم 16607 مركز دعم العملاء.
    ازاى هقدر استلم كارت التجديد الخاص بيا او الكارت المصدر مرة تانية؟
    هتستلمه عن طريق شركة الشحن على العنوان اللي محدد الخاص بيك، وبعدين هتقدر تفعل الكارت اول ما تستلمه من خلال تطبيق الموبايل او كلم 16607.
    ايه هي الخدمات اللي ممكن استفيد منها من ماكينات الصراف الالي غير سحب الفلوس؟
    تقدر تعرف رصيدك، تاخد كشف حساب مختصر؛ وكمان تقدر تغير الرقم السري الخاص بيك بس من خلال ماكينات الصراف الالي من QNB ALAHLI.
    امتى أقدر اطلب كارت خصم مباشر جديد؟
    • لما تكون محتاج كارت خصم مباشر مخصوص عليه اسمك.
    • لو كارت الخصم المباشر بقى تالف
    • لو الكارت ضاع او اتسرق
    لو انا عايز كارت خصم مباشر مخصوص مكتوب عليه أسمي، هل أقدر اعمله؟
    • اه ممكن طبعاً، احنا نقدر نقدملك كارت مخصوص باسمك؛ لكن في الحالة دي هيكون فيه مصاريف إصدار لكارت مميز وتقدر تطلب الكارت ده من خلال مركز دعم العملاء او عن طريق  authorized.email@bebasata.qnbalahli.com
    ازاى أقدر اتابع عمليات الشراء الخاصة بيا؟
    هيجيلك رسالة مجانا بعد كل عملية شراء وكمان تقدر تتابع العمليات من خلال مراجعة حركة الحساب على تطبيق الموبايل او الانترنت البنكي.
    ازاى أقدر أوقف تفعيل الكارت واطلب كارت تانى؟
    تقدر توقف تفعيل الكارت من خلال تطبيق الموبايل او الإنترنت البنكي، او اكلم خدمة دعم العملاء 16607 وتلقائيا هيتم إصدارا كارت تانى. وهيتم تسليم الكارت المصدر مرة تانية من خلال شركة الشحن و عند الاستلام تقدر تفعل الكارت من خلال تطبيق الموبايل او كلم 16607
    هل فيه مصاريف اصدار/تجديد لكارت الخصم المباشر؟
    لا مفيش رسوم اصدار/تجديد للكارت 
    هل أقدر اربط كارت الخصم المباشر الخاص بيا بحساب التوفير او باي حساب تانى؟
    لا، عشان هو مرتبط بس بالحساب الجاري بالجنيه المصري عشان نساعدك ماتسحبش من مدخارتك فتزيد بسهولة.
    ازاى أقدر أفعل كارت الخصم المباشر؟
    • انت بالفعل بتستلم الكارت مفعل لما بتستلمه لأول مرة بعد ما تنتهي إجراءات فتح الحساب.
    • وبالنسبة للكارت اللي أعاد إصداره مرة تانية، تقدر تفعلة من خلال تطبيق الموبايل او كلم 16607
    امتى أقدر أستلم كارت الخصم المباشر الخاص بيا؟
    تقدر تستلم كارتك خلال 5 أيام عمل من تاريخ تقديم الطلب.
    ازاى أقدر انشأ او اغير الرقم السري الخاص بيا؟
    تقدر تنشأ او تغير الرقم السري عن طريق ماكينات الصراف الآلي من QNB ALAHLI.
    في حالة لو طلبت كارت خصم مباشر شخصي، هل أقدر استخدم كارت الخصم المباشر القديم الخاص بيا؟
    لا مش هتقدر تستخدم كارتك القديم؛ لان هيتم إيقافه تلقائيا اول ما يصدر الكارت الجديد.
    امتى تنتهي مدة صلاحية كارت الخصم المباشر؟
    5 سنين
    اتصرف ازاي لو الكارت الخاص بيا اتسحب من أي ماكينة من ماكينات QNB ALAHLI للصراف الألى؟
    لو الماكينة اللي سحبت الكارت كانت في فرع، يبقى لازم تزور الفرع ده عشان تستلم الكارت الخاص بيك، و لو مازورتش الفرع علشان تستلمه هيتم اعدام الكارت فبالتالي تقدر توقف تفعيل الكرت من خلال تطبيق الموبايل و هيتم اصدار كارت تاني تلقائيا او من فضلك كلم  16607
    كروت الائتمان
    في حاله لو تم رفض طلب الكارت الائتماني بضمان عضوية النادي، هعرف ازاى؟
    هنبلغك عن طريق البريد الإلكتروني ان طلبك ماتوافقش علية وتقدر تتصل بمركز دعم العملاء 16607 عشان تعرف تفاصيل اكتر.
    هل أقدر استخدم كارتي الائتماني بره مصر وعلى مواقع الكترونية دولية؟
    طبعاً، تقدر تستخدم كارتك الائتماني في الشراء والسحب الكاش في مصر و في الخارج كمان وعلى مواقع الكترونية الدولية و المحلية. وعشان تعرف معلومات اكتر عن لحدود الاستخدام، اتصل بينا على 16607.
    لو كارت الائتمان مش شغال بشكل مضبوط، اعمل ايه؟
    • لو كارت الائتمان اتكسر او مش شغال مضبوط او فيه أي مشكلة، لازم تبلغنا عن طريق ارسال بريد إلكتروني من الايميل المعتمد و المسجل عندنا ل authorized.email@bebasata.qnbalahli.com   او عن طريق مركز دعم العملاء 16607 عشان يحلوا مشكلتك او يطلبوا ليك كارت جديد لو لزم الامر.
    هل أقدر ادفع فواتيري بكارتي الائتماني؟
    • طبعاً، تقدر تنفذ معاملاتك اللي عايزها من خلال نقط البيع او موقع الانترنت او التطبيقات المخصوصة للجهات المعنية.
    • كمان برده تقدر تدفع من خلال شبكة فورى (خدمة دفع الفواتير) في تطبيق الموبايل .
    في حالة لو سفري برا مصر، ازاي اتاكد ان كارتي شغال هناك؟
    اتصل ب 16607 مركز خدمة العملاء قبل سفرك عشان تسيب بيانات السفر و تتأكد ان الكارت شغال مضبوط برا مصر.
    هل فيه أي رسوم اصدار/تجديد لكارت الائتمان؟
    لا مفيش أي مصاريف اصدار/ تجديد لكارت الائتمان.
    انا مش عايز استخدم كارت الائتمان تانى، أقدر اعمل ايه عشان ألغي الكارت؟
    • تقدر تتصل بمركز دعم العملاء 16607 او تبعت رسالة من الايميل المعتمد و المسجل عندنا ل authorized.email@bebasata.qnbalahli.com  عشان تلغى كارتك، لكن لازم الأول تسدد المبالغ المستحق على الكارت.
     
    اقدر ارجع لحد قد ايه عشان اتابع المعاملات اللي حصلت على كارت الائتمان؟
    تقدر ترجع لحد شهر واحد لمراجعة المعاملات؛ وإذا عايز تراجع معاملاتك لمدة اكتر من شهر تقدر ترجع لكشف الحساب الالكتروني الخاص بيك.
    هل أقدر أقسط عمليات الشراء بكارتى الائتماني مع التجار المتعاقدين مع ماكيناتQNB ALAHLI لنقات البيع POS؟
    اه طبعا، تقدر تقسط عمليات الشراء مع التجار المتعاقدين مع ماكيناتQNB ALAHLI  لنقات البيع POS.
    طلبي لكارت الائتمان اترفض، ليه؟
    طلبك بيتم تقيمه بناءا على سياسات الائتمان عندنا واللوائح القانونية و I-Score. عشان تعرف معلومات أكتر، اتصل على مركز دعم العملاء 16607
    ازاى أقدر اسدد معاملات كارتي الائتمان؟
    تقدر تسدد مبلغ الاستحقاق من خلال الانترنت البنكي او تطبيق الموبايل عن طريق تحويل المبلغ من الحساب الجاري لكارت الائتمان. وإذا ما سددتش المبلغ، احنا تلقائيا هنسدد 5% كحد أدنى من المبلغ المستحق
    هل ممكن اسدد كارت QNBAA الائتماني الخاص بي من حساب QNB Bebasata الجاري عن طريق تطبيق الموبايل/ الانترنت البنكي من QNB Bebasata؟
    ايوه ممكن ولكن لا يفضل علشان كدة هتتحمل مصاريف التحويل.  فبننصحك تسدد كارتك الائتماني الخاص ب QNBAA من حسابات QNBAA عن طريق تطبيق الهاتف المحمول/الخدمة المصرفية عبر الانترنت من QNBAA علشان متتحملش أي مصاريف اضافية.
    هل أقدر اعمل طلب تسديد تلقائي للمبلغ المستحق للكارت الائتماني؟
    • اه طبعاً، ليك الحرية للتسديد من اول 5% لحد 100% بناءا على قدرتك المالية في التسديد.
    ايه هي أنواع كروت الائتمان اللي بتقدموها؟
    • كارت ائتمان بضمان شهادتك (بحد اقصى يصل ل 80% من اصل مبلغ الشهادة)
    • كارت ائتماني بضمان عضوية النادي.
    من هم الأشخاص اللي ممكن يقدموا على الكارت الائتماني؟
    ممكن أي شخص يقدم طلب عشان ياخد كارت bebasata الائتماني (ماعدا الشباب). بس لازم يكون بضمان شهادتك او بضمان عضوية نوادي محددة من البنك وبيتم تقيم كل الطلبات ضمن سياسات الائتمان للبنك مع مراعاة معاييره.
    استلمت كارتي الائتماني، ازاى اعرف الرقم السري؟
    لما تستلم كارتك الائتماني هنبعت الرقم السري الخاص بيك مع شركة شحن تانية بشكل منفصل، لو ما استلمتش الرقم السري، اتصل بمركز دعم العملاء 16607و هما هيساعدوك
    لو انا مش عندي شهادات ادخار أقدر أقدم على كارت ائتمان؟
    اه، وعشان تعرف معلومات اكتر عن كارت الائتمان من غير ضمان شهادات الادخار، زورنا على موقعنا
    ازاى أقدر افعل كارتي الائتماني؟
    تقدر تفعل الكارت من خلال تطبيق الموبايل او كلم 16607
    ايه هو الكارت الائتماني وايه مميزاته؟
    مع الكارت الائتماني تقدر تستمتع بخدمة الشراء عن بعد لأي حاجة انت عايزها دلوقتى وتسدد ثمنها في وقت تانى بسهولة وأمان و ده غير ان ما فيش أي مصاريف اصدار او تجديد للكرت. بجانب سهولة التسوق والدفع والشراء وسحب الكاش في الحدود المتاحة ليك سواء دوليا او محليا. من ناحية تانية، تقدر تدفع مستحقات كارتك الائتماني بكل سهولة من خلال الانترنت البنكي او تطبيق الموبايل.
    اذا مندوب شركة الشحن وصل في العنون المحدد لتسليم الكارت و انا للأسف ماكنتش متواجد، ازا ي اقدر استلمه؟.
    لو انت مش موجود في نفس العنوان، شركة الشحن هتحاول تكلمك 3 مرات عشان تسلمك الكارت. لو شركة الشحن ماعرفتش توصلك، كلمنا على 16607 مركز دعم العملاء عشان يساعدوك مرة تانية لتسليم الكارت.
    ايه هي مدة صلاحية كارت الائتمان؟
    3 سنوات
    ازاى أقدر ازود حد كارت الائتمان الخاص بيا؟
    • لازم تقدم طلبك عن طريق authorized.email@bebasata.qnbalahli.com وهيتم تقييم طلبك بناء على معايير ائتمان البنك وهيتم تنفيذه إذا كان متوافق للشروط؛ ولو الطلب ماتقبلش، حيتم ابلاغك عن طريق البريد الإلكتروني او بإشعار و ممكن تكلم مركز دعم العملاء 16607 عشان تعرف معلومات اكتر.
     
    ايه هي برامج تقسيط المشتريات المقدمة من الكارت الائتماني؟
    • الحد الأدنى لعملية الشراء اللي تقدر تقسطها هي 500 جنيه ومدد التقسيط المتاحة هي 6، 18،12، 24، 36، شهر .

     
    ايه هي النوادي اللي أقدر أقدم على كارت ائتمان بضمان عضويتي؟

    • هليوبوليس

    • سكاى

    • الجزيرة

    • سبورتنج

    • المعادي

    • نادي الصيد

    • سماش

    • بلاتينم

    • الأهلي

    • الزهور

    • الرحاب

    • الشمس

    • مدينتي

    • نوادي وادي دجلة

    اعمل ايه لو كارتي الائتماني اتسرق أو ضاع ؟
    إذا كارتك الائتماني اتسرق او ضاع، لازم توقف تفعيل الكارت في الحال من خلال الإنترنت البنكي او تطبيق الموبايل او تتصل بمركز دعم العملاء 16607 عشان يأخذه الاجراء اللازم عشان يوقفوا الكارت.
    هل انا هستلم نسخة مطبوعة من كشف حساب كارت الائتمان؟
    لا دة غير متاح. بس تقدر تراجع كشف حساب الكارت الائتماني الخاص بيك من خلال كشف الحساب الالكتروني من خلا الانترنت البنكي وتطبيق الموبايل.

    قرض بضمان وعاء ادخاري

    قرض بضمان وعاء ادخاري
    ايه هو القرض اللي بضمان وعاء ادخاري؟
      ده قرض بالجنيه المصري بضمان شهاداتك الادخارية فى QNB bebasata تقدر من خلاله انك تغطى مصاريفك من غير ما تخسر مدخراتك و ضمان القرض شهادتك ف bebasata
      ازاى أقدر أقدم على طلب القرض بضمان الشهادات؟
      عن طريق تطبيق للموبايل والانترنت البنكي.
      ازاى أقدر أعرف اذا طلب القرض بتاعى ماتوفقش علية ؟
      هنبلغك عن طريق البريد الإلكتروني ان طلبك ماتوفقش علية وتقدر تتصل بمركز دعم العملاء 16607 عشان تعرف تفاصيل اكتر.
      هل أقدر ادفع الأقساط بشكل ربع سنوي؟
      لا، الأقساط بشكل شهري بس هي اللي متاحة.
      ايه اللي هيحصل لو ما دفعتش قسط القرض اللي عليا في ميعاده؟
      هيتحسب عليك غرامة تأخير، وده هيأثر على تاريخك ووضعك الائتماني وممكن يأثر بالسلب في كل مرة تقدم فيها على تسهيل ائتماني بعدين.
      ايه هي المدة المتاحة للقرض؟
      تبدأ مدة القرض من 6 شهور لحد 120 شهر.
      هل أقدر اخد القرض مقابل أي شهادة ادخار او وديعة برا البنك؟
      لا، مش متاح. لازم يكون بضمان شهادات ادخار الخاصة بك هنا
      ايه هو الحد الأدنى/الأقصى لمبلغ القرض اللي ممكن اخده بضمان شهادات الادخار؟
      الحد الأدنى هو 5000 جنيه وبيوصل لحد 1,000.000 جنيه كحد اقصى و بيشمل كل التسهيلات اللي بضمان شهاداتك.
      هو فيه اى مصاريف اداريه للقرض بضمانه؟

      مضبوط فيه مصاريف اداريه للقرض بضمانه بس بمصاريف مخفضة جداً  و لو حابب تعرف اكتر عن المصاريف الإدارية دوس هنا

      ايه هو الحد أقصى للنسبة للمبالغ ممكن اخدها للقرض بضمان شهاداتي؟
      لحد 90% من أصل مبلغ الشهادات للمدد القرض المطابقة لمدة الشهادة او لمدة ممتدة بعد مدة الشهادة او المدة المتبقية من مدة الشهادة.
      هل أقدر اسدد قسط القرض من حساب التوفير الخاص بي؟
      لا، تقدر تسدده بس من الحساب الجاري المصري عشان نساعدك تحوش اكتر بشكل أحسن.
      مين اللي يقدر يقدم علي طلب قرض بضمان الشهادات؟
      البالغين فقط، لكن الشباب مش مسموح ليهم.

      التحويلات

      التحويلات
      ايه الحل لو جالي تحويل بالدولار او اليورو وانا ماعنديش حساب بالعملة دي؟
      هيجيلك رسالة عن طريق البريد الالكتروني او هيجيلك مكالمة من فريقينا بيبلغك بضرورة فتح حساب بعملة التحويل عشان يتم نتفيذ التحويل.
      مين اللي بيتحمل مصاريف البنك المراسل في تحويلات السويفت الصادرة لبنك آخر بالعملة الأجنبية (المستفيد او الراسل او تقسم بين المستفيد و الراسل) ؟

      المصاريف بتتقسم بالتساوي و بيتحملها الراسل و المستفيد اذا ماطلبش الراسل غير كدة. ممكن الراسل يطلب ان هو/هي اللي يتحملوا المصاريف دي او المستفيد هو اللي يتحملها عن طريق انه يكلمنا على 16607 او يبعتلنا ايميل على authorized.email@BEBASATA.QNBALAHLI.COM

      ازاي أقدر اعرف ان التحويل الخارجي بتاعى اتنفذ؟ هل فيه مستند بيثبت ده؟
      هتجيلك ايميل مرفق معاه مستند بيأكد تنفيذ التحويل او رفضه مع سبب الرفض.
      هل فيه مصاريف للتحويلات؟
      اه، بس مخفضة جدا. عشان تعرف معلومات اكتر، زور موقعنا.
      ازاى أقدر اعرف ان في تحويل وصل لي لو انا مستني تحويل من بنك تانى؟
      اول ما يوصلك التحويل، هيجيلك ايميل معاه مرفق بتفاصيل التحويل.
      ايه هي انوع التحويلات اللي أقدر اعمله في هنا؟
      • تقدر تحول بين حسابتك هنا ، وتحول لمستفيدين هنا/ QNB ALAHLI وبنوك تانية.
      • وكمان تقدر تحول بالعملات المحلية والأجنبية طبقا لسياسة حدود البنك.
      هل InstaPay متاح لعملاء QNB bebasata ؟

      -اه متاح ,  و هتقدر تعمل الاتي  :

      • هتقدر تنفذ تحويل من خلال الموبايل ابليكشن او الانترنت البنكى سواء كان تحويل ACH او تحويل IPN .
      • هتقدر تضيف حسابك في  QNB bebasata في ابليكشن Instapay من خلال انك تختار  QNB ALAHLI  وتضيف كارت  bebasata.
      • هتقدر تستقبل تحويلات لحسابك في QNB bebasata من خلال Instapay  .
      طيب ايه الحل لو جالي تحويل بعملة اجنبية مش من ضمن العملات اللي بيقدمها QNB bebasata؟
      • ابعتلنا ايميل تأكيد على authorized.email@bebasata.qnbalahli.com من الايميل المعتمد الخاص بيك عشان نغير عملة التحويل ونودعها في أي حساب من حساباتك في QNB Bebasata   

      ايه هي خدمة الاشعارات عن طريق البريد الالكتروني وايه فوايدها؟
      دي خدمة علشان تبقى على دراية بالتحويلات الخاصة بيك.  هيوصلك ايميل مرفق معاها نسخة من التحويل سواء من أو إلى حسابك. كمان بيعلمك باي تحويل ACH مرتجع او اترفض مع سبب الرفض لو موجود.
      هل اقدر استقبل تحويل مرتبى لحسابى في QNB bebasata؟

      اه تقدر تحول مرتبك لحسابك في QNB bebasata بشكل فردي , ولكن QNB bebasata  مش بتقدم اى عروض لتحويل المرتبات بشكل جماعي .

      خدمات دفع الفواتير / عمليات الاعتراض

      خدمة دفع الفواتير
      اتصرف ازاي لو فية عملية دفع فاتورة ماتمتش بنجاج و انا باستخدم شبكة فوري؟
      تقدر تقدم طلب اعتراض ل bebasata من خلال authorized.email@bebasata.qnbalahli.com و ترفق معاها كل الاوراق اللازمة اللي بتثبت ان المعاملة ما تمتش.
      ايه هو الحساب اللي من خلاله هادفع الفواتير؟
      الحساب الجاري بالجنيه المصري
      ايه اللي ممكن ادفعه من خلال خدمة فورى لدفع الفواتير على تطبيق الموبايل ؟
      تقدر تدفع فواتيرك، او فواتير المرافق، والحجوزات، والتبرعات، الخ... من خلال خدمة دفع الفواتير مستخدما شبكة فوري وهي متاحة في تطبيق الموبايل .
      هل فيه مصاريف للفواتير؟
      • اه، بس مخفضة جداً. عشان تعرف معلومات اكتر، زور موقعنا.
      عمليات الاعتراض
      ازاى أقدر اتابع حالة طلب الاعتراض اللي قدمته؟
      هنبعتلك ايميل نوضحلك فيه حالة الطلب وفي حالة قبول طلب الاعتراض، المبلغ المسترد هيضاف لحسابك الجاري بالجنيه المصري.
      ازاى أقدم علي طلب اعتراض؟
      • تقدر تقدم طلب اعتراض على أي معاملة عن طريق authorized.email@bebasata.qnbalahli.com  ولازم تشرح بوضوح سبب الاعتراض في الطلب و ترفق معاه أي اثبات او كلم مركز دعم العملاء على 16607.
       

      الشباب

      الشباب
      هل أقدر يبقى عندي كشف حساب الكتروني لحسابتي؟
      اه طبعا ليك كشف حساب إلكتروني لكل حساب من حساباتك بشكل منفصل من خلال تطبيق الموبايل والانترنت البنكي.
      هل أقدر استخدم كارت الخصم المباشر الخاص بيا دولياً في سحب الكاش وعمليات الشراء؟
      اه طبعا، مع الالتزام بحدود المسموحة اللي بيحددها البنك.        
      امتى اقدر انا كعميل شاب ابقى عميل بالغ و اقدر استمتع بجميع مزايا العملاء البالغين؟
      اول ما يوصل عمرك ل 21 سنة.
      هل أقدر يبقى عندي كارت ائتمان؟
      لا، كارت الائتمان متاح للبالغين بس.
      هل أقدر اخد قرض بضمان شهادات الادخار؟
      لا، ده مش متاح للشباب. متاح بس للعملاء البالغين.
      هل أقدر اعمل أي تحويل بالعملة الأجنبية؟
      لا، ده متوفر للبالغين بس.
      ازاي اقدر استفيد من خدمة اشعارات البريد الإلكتروني للتحويلات؟
      تقدر تستفيد من خدمة اشعارات البريد الإلكتروني لأنه بيعرفك حالة تحويلات ACH الخاصة بيك اللي بالجنيه المصري اذا تمت بنجاح او لأ.
      هل أقدر اعمل تحويل سويفت بالعملة الأجنبية؟
      لا، ده متوفر للبالغين بس.
      هل في حد أقصى لرصيد الودائع الخاصة بيا؟
      اه، الحد الأقصى المسموح به لكل منتجات الاوعية الادخارية الخاصة بيك هو 100،000 جنيه مصري. ولو تجاوزت الحد المسموح هيحصل إيقاف على كل منتجات الاوعية الادخارية الخاصة بيك لحد ما نستلم امضاء الوالي الطبيعى ليك على إقرار الودائع. لمعلومات اكتر، لو سمحت كلمنا على 16607.
      اتصرف ازي لو جالي تحويل بالعملة الأجنبية؟
      هيتم إضافة رصيد التحويل بما يعادله لحسابك بالجنيه المصري، وده طبعا بعد ما نأخذ موافقتك من خلال الايميل المعتمد الخاص بيك.
      هل أقدر أفتح حساب بالعملة الأجنبية؟
      الشباب يقدروا يفتحوا حساب بالجنيه المصري بس.
      ايه هو الحد الأدنى لسن الشباب عشان يقدروا يبقوا عملاء ؟

      من اول سن 15 سنة.

      هل حدود السحب لكارت الخصم المباشر زي حدود البالغين؟
      لا، هي اقل منها بشوية. لمعلومات اكتر زور موقعنا
      هل أقدر اعمل شهادة ادخار او وديعة؟
      اه، تقدر اكيد.

      تحديث بياناتي

      تحديث بيانتي
      ازاى أقدر أحدث بيانتي؟
      • تقدر تقدم طلب لتحديث أي من البيانات دي من خلال الإنترنت البنكي/ تطبيق الموبايل:

        - نوع العمل

        - الوظيفة (مرفق نسخة من خطاب الموارد البشرية)

        - مجال العمل

        - اسم مكان العمل (ترفق نسخة من خطاب الموارد البشرية)

        - عنوان مكان العمل (التفاصيل، المدينة والمنطقة)

        - متوسط الدخل الشهري

        - الدرجة التعليمية

        - عنوان المنزل (هتظهرلك رسالة بتوضح أن طلبك تحت التنفيذ بعد استلام المستندات المطلوبة)

      • تقدر تحدث أي من المعلومات الاتصال دي مباشرة عن طريق الانترنت البنكي/ تطبيق الموبايل (المصادقة بتتم من خلال اسم المستخدم + كلمة السر + رمز التحقق):

      - رقم تليفون البيت / العمل

      - عنوان البريد الإلكتروني

      - عنوان العمل

      ازاى أقدر أحدث رقم تليفوني؟
      هتحتاج تتصل بمركز دعم العملاء 16607 عشان ينفذوا طلبك.

      الأمان

      الأمان
      ازاي أقدر احمي كلمة السر الخاصة بيا؟
      اختار كلمة السر تكون فيها المواصفات ديه: 

      - مش اقل من 8 حروف.

      -تكون كلمة السر بعيدة عن أي هوية شخصية او تكون سهلة ان حد يفترضها بسهولة زي (عيد ميلادك، رقم تليفونك.. الخ).

      -ابعد عن كلمات السر البسيطة ولازم تكون معقدة.

      -المواصفات (يعنى لازم يكون فيها حروف وارقام ورموز، وحروف صغيرة وكبيرة).

      - ما تستخدمش كلمة السر ابدا زي او قريبة من اسم مستخدم الخاص بيك.

      - غير كلمة السر بشكل دوري (على الاقل كل 90 يوم ويفضل اقل).

      - ما تستخدمش كلمة السر اللي استخدمتها 4 مرات قبل كده وما تستخدمش نفس كلمه السر اللي استخدمتها في اخر 90 يوم.

      - ما تكتبش كلمة السر او تكشف عنها في أي مكان او لأي شخص مهما كان.

      - غير كلمة السر فورا لو شكيت في أي معاملة او فعل على الانترنت البنكي/ تطبيق الموبايل.

      - ما تخليش الرقم السري للكروت الخاصة بيك في مكان قريب من الكروت.

      ايه هو ال OTP؟
      هي كلمة المرور لمرة واحدة هتجيلك في رسالة  قصيرة هتستخدمها مرة واحدة بس عشان نتأكد من هويتك و نحمي معاملاتك من أي مخاطر.
      ايه اللي المفروض اخد بالي منه عشان احمي المعلومات النكية الخاصة بيا في البنك؟
      ما تقولش لاي حد على كلمة السر الخاصة بيك او اسم المستخدم او ارقام كروتك او ارقام البطاقة الشخصية تحت أي ظرف.
      اتصرف ازاي في حالة وجود أي اجراء او معاملة مشبوهة على حساب المستخدم الخاص بيا او كلمة السر اوعلى حسابتي او أي تفاصيل شخصية؟
      لازم تتصل على مركز دعم العملاء 16607 فورا عشان يساعدوك ويحموا بيانتك.

      Be-Token

      Be-Token
      منين اقدر انزل ابلكيشن be-token وازاي اقدر افعله؟
      ادخل علي ابليكيشن bebasata <<القائمه الرئيسيه<< دوس علي رمز be- <<تفعيل be-token <<تأكيد<< افتح ابليكيشن be-token <<هيتم فتح ابليكيشن be-token ,انشأ رقم سري من 4 ارقام <<تمام
      <<انسخ ال 17 رقم اللي هيظه ر<<ارجع تاني لابليكيشن bebasata و ادخل الرقم ده <<ابليكش ن be-token مُفعَل دلوقتي .
      ممكن ادفع /احول من غير ما استخدم be-token ؟

      تقدر تحول  بين حساباتك في bebasata و تسدد كارت ائتمان bebasata من غير ما تستخدم be-token, أي نوع تحويل تاني اوعملية دفع تانية لازم تستخدم be-token.